Sep 20 2026 | २०८३, असोज ४ गते
Follow us
२०८३, असोज ४ गते
Sep 20 2026 | २०८३, असोज ४ गते
काठमाडौं । सरकारले सहकारी क्षेत्रलाई बचतकर्ताको विश्वास, वित्तीय अनुशासन र उत्पादनशील अर्थतन्त्रको आधारका रूपमा पुनस्संरचना गर्दै नियमनयुक्त तथा सदस्य-केन्द्रित प्रणाली विकास गर्ने योजना अघि सारेको छ । यसैगरी, सहकारी क्षेत्रमा नियामकीय सुधारमार्फत बचतकर्ताको समस्या दीर्घकालीन रूपमा समाधान गर्ने प्रतिबद्धता सरकारले जनाएको छ ।
आगामी आर्थिक वर्षको बजेटमा सूचना प्रविधिको अत्यधिक उपयोग गर्दै आर्थिक विकासको नयाँ आधार तयार पार्ने सरकारको योजना रहेको छ । अर्थमन्त्री डा. स्वर्णिम वाग्लेले बिहीबार संघीय संसद्का दुवै सदनको छुट्टाछुट्टै बैठकमा आगामी आर्थिक वर्षको विनियोजन विधेयकका प्राथमिकता प्रस्तुत गर्ने क्रममा सहकारी क्षेत्रका लागि सरकारको प्राथमिकताहरु बारे जानकारी गराउनुभएको हो । अर्थमन्त्री डा. वाग्लेले प्रस्तुत गरेको आगामी आवको बजेटको प्राथमिकतामा सहकारी क्षेत्रमा नियामकीय सुधारको विषयमा जोड दिइएको छ भने बचतकर्ताहरुको समस्याको स्थायी समाधान गरिने विषय उल्लेख छ । यही जेठ १५ गते सरकारले बजेट प्रस्तुत गर्ने कार्यक्रम छ ।
