Nov 19 2026 | २०८३, मंसिर ३ गते

Nov 19 2026 | २०८३, मंसिर ३ गते

Follow us

कविता प्रतियोगिता गर्दै वीरेन्द्र पुस्तकालय, प्रथम हुनेले ५० हजार प्राप्त गर्ने

कविता प्रतियोगिता गर्दै वीरेन्द्र पुस्तकालय, प्रथम हुनेले ५० हजार प्राप्त गर्ने

काठमाडौं । महाकवि लक्ष्मी प्रसाद देवकोटाको ११८ औं जन्मजयन्तीको अवसरमा काठमाडौंको चाबहिलस्थित वीरेन्द्र पुस्तकालयले खुला कविता प्रतियोगिता आयोजना गर्ने भएको छ । दुई चरणमा आयोजना हुने प्रतियोगिता अन्तर्गत पहिलो चरणमा प्राप्त कविताहरूमध्ये निर्णायक मण्डलले उत्कृष्ट १०  वटा कविता छनोट गर्नेछ भने दोस्रो तथा अन्तिम चरणमा छनोटमा परेका प्रतियोगीहरूले निर्धारित मिति र स्थानमा उपस्थित भई मञ्चमा प्रत्यक्ष कविता वाचन गर्नेछन् ।

सबै उमेर समूहका व्यक्तिहरूका लागि खुला हुने प्रतियोगितामा एक जना प्रतियोगीले एउटा मात्र कविता पेश गर्नुपर्नेछ भने कविता नेपाली भाषामा लेखिएको हुनुपर्नेछ। यसैगरी, कविता खुला विषयवस्तुमा आधारित पूर्ण रूपमा मौलिक र अप्रकाशित कविता हुनुपर्ने भन्दै आयोजकले अधिकतम १५० शब्दको  कविता हुनुपर्ने जनाएको छ । प्रत्यक्ष कविता वाचनका लागि छनौट भएका कविताह वाचनका लागि अधिकतम ३ मिनेटको समय उपलब्ध हुनेछ ।

प्रतियोगितामा प्रथम हुनेलाई ५०,००० रुपैयाँसहित प्रमाणपत्र तथा मायाको चिनो प्रदान गरिने आयोजकले जनाएको छ । यसैगरी, द्वितीय पुरस्कार  २५,००० र प्रमाणपत्र तथा मायाको चिनो तथा तृतीय पुरस्कार १०,००० रुपैयाँ र प्रमाणपत्र तथा मायाको चिनो राखिएको छ । प्रतियोगितामा सहभागी हुन चाहनेले मंसिर ४ गते साँझ ५ बजेसम्म कविता पठाइसक्नुपर्नेछ । प्रत्यक्ष कविता वाचन कार्यक्रम मंसिर ८ गते दिउसो  १ बजे वीरेन्द्र पुस्तकालय कुटुवहाल वडा ७ चावहिलमा राखिएको छ ।

कविता Google Form: https://docs.google.com/.../1FAIpQLSd6XKdj9DA.../viewform...

इमेल: pustakalayabirendra@gmail.com मा उपलब्ध गराउन सकिने आयोजकले जनाएको छ ।

 

प्रतिक्रिया दिनुहोस

सम्बन्धित समाचार