Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । गत भदौ २३ र २४ गते देशभर भएका जनेजी प्रदर्शनका क्रममा भएको आगजनी, तोडफोड र आक्रममणका कारण क्षति पुगेका भौतिक संरचनाको पुन:निर्माणका लागि स्थापित ‘भौतिक पूर्वाधार पुन:निर्माण कोष’ मा हालसम्म छ करोड २४ लाख रुपैयाँ संकलन भएको छ ।
अर्थ मन्त्रालयका अनुसार सोमबार बेलुकासम्म सो कोषमा उक्त रकम जम्मा भएको हो । जेनजी प्रदर्शनका क्रममा विभिन्न सार्वजनिक संरचना, सरकारी कार्यालय, तथा स्थानीय निकायका भौतिक संरचनामा क्षति पुगेको थियो ।
त्यस्ता संरचनाको पुन:निर्माणका लागि सरकारले गत असोज २८ गते कोषमा आर्थिक सहयोग जुटाउन सर्वसाधारण नागरिक, निजी क्षेत्र, गैरआवासीय नेपाली, विकास साझेदार, दातृ निकाय, उद्यमी तथा विभिन्न संघ(संस्थालाई औपचारिक रूपमा आह्वान गरेको थियो ।
सहयोगकर्तालाई प्रोत्साहन गर्न चालु आर्थिक वर्षभरि प्रदान गरिने आर्थिक सहयोगलाई करयोग्य आय गणनामा कटौतीयोग्य खर्चका रूपमा सूचीकृत गर्ने व्यवस्था पनि गरेको छ । कोषमा संकलित रकम ‘राष्ट्रिय वाणिज्य बैंक’ सिंहदरवार शाखामा खोलिएको १९६०१००१०२०७०००४ विशेष खातामार्फत व्यवस्थापन गरिँदै छ ।
