Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । विश्व फुटबल स्टार अर्जेन्टिनी लियोनेल मेस्सी भारत आउने निश्चित भएको छ । उनी आगामी अंग्रेजी महिना अर्थात् डिसेम्बरमा भारत आउने पक्का भएको हो । अर्जेन्टिनाका विश्वकप विजेता कप्तान मेस्सीले आगामी महिना भारतको हैदराबादमा आफ्नो तिलस्मी खेल देखाउने छन् । ‘गोट टुर टु इन्डिया २०२५’ नामक बहुप्रतिक्षित भ्रमणका लागि मेस्सी भारत आउन लागेका हुन् ।
मेस्सीको भ्रमण तेलंगानाको महत्त्वाकांक्षी अभियान ‘तेलंगाना राइजिङ २०४७’ सँग जोडिएको छ । यो अभियानले राज्यलाई विश्वस्तरमा नवप्रवर्तन, लगानी र खेलकुदको केन्द्रका रूपमा स्थापित गर्ने लक्ष्य लिएको छ । तेलंगानाका मुख्य मन्त्री रेबन्त रेड्डीले मेस्सी आउने समाचार पक्का भएको जनाउँदै अफिसियल पोष्टर समेत सार्वजनिक गरेका छन् ।
राज्य सरकारले मेस्सीलाई उक्त अभियानको ‘ग्लोबल एम्बासडर’ बनाउने तयारीसमेत गरेको बताइएको छ । मेस्सीको ‘गोट टुर टु इन्डिया २०२५’ भारतका चार प्रमुख शहर कोलकाता, हैदराबाद, मुम्बई र नयाँ दिल्लीसम्म पुग्ने जनाइएको छ ।
