Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । गुल्मीको गौंडाकोटस्थित साना किसान कृषि सहकारी संस्था लि.ले राष्ट्रिय सहकारी नियमन प्राधिकरणबाट सञ्चालन इजाजतपत्र (अपरेटिङ लाइसेन्स) प्राप्त गरेको छ । संस्थाले हिजो असार १५ गते कारोबार सञ्चालन गर्नका लागि प्राधिकरणबाट इजाजत पाएको हो । संस्थाको इजाजतपत्र नम्बर २०६१-१०२९७ रहेको छ ।
सहकारी ऐन २०४८ अनुसार डिभिजन सहकारी कार्यालय पाल्पामा २०६१ साल माघ १ गते दर्ता भएको साना किसान कृषि सहकारी संस्थाको कार्यक्षेत्र गुल्मीदरबार गाउँपालिका वडा नम्बर १ देखि ७ सम्म रहेको छ । संस्थामा हाल १६ सय बढी शेयर सदस्य छन् जसमध्ये ८५ प्रतिशत बढी महिला सहभागिता छ । आफ्नै भवनबाट सेवा दिदै आएको संस्थाले सदस्यहरुलाई स्वरोजगार अवसर सिर्जनामा प्रत्यक्ष प्रभावकारी भूमिका निर्वाह गर्दै आएको छ भने संस्थागत सामाजिक उत्तरदात्यिवका कामहरुलाई पनि समानान्तर रुपमा अघि बढाएको छ ।
