Oct 30 2026 | २०८३, कात्तिक १३ गते
Follow us
२०८३, कात्तिक १३ गते
Oct 30 2026 | २०८३, कात्तिक १३ गते
काठमाडौं । कागेश्वरी मनोहरा नगरपालिका २ आलापोटस्थित सहयोगी बचत तथा ऋण सहकारी संस्था लि. ले छ प्रतिशत ब्याजदरमै कर्जा सेवा उपलब्ध गराउने भएको छ । नजिकिदो चाडपर्व लक्षित गरी सहयोगी साकोसले आफ्ना सदस्यहरुको व्यवसाय प्रवर्धनमा सहयोग पुगोस् भन्ने उद्देश्यले सरल र सहज कर्जा सेवा उपलब्ध गराउने निर्णय गरेको जनाएको छ ।
चाडपर्वमा व्यवापार व्यवसाय बढाउन पुँजीको आवश्यकता नखट्कियोस् र त्यस्तो पुँजी सस्तो ब्याजदरमा बिना झंझट पाइयोस् भनेर सहयोगी साकोसले आफ्ना सदस्यहरुलाई सुविधा उपलब्ध गराउन लागेको जनाएको छ । ५० हजार रुपैयाँदेखि ३ लाख रुपैयाँसम्म यस्तो कर्जा सदस्यले प्राप्त गर्न सक्ने सहयोगी साकोसले जनाएको छ । यस्तो कर्जा लिन कुनै जग्गा धितो राख्नुनपर्ने तथा व्यसाय र लघुवित्त समूहको छविको आधारमा सहजै उपलब्ध गराउने संस्थाले जनाएको छ ।
पुरानो ऋण भएपनि समयमै किस्ता तिर्दै आएका सदस्यहरुले समेत यो कर्जा सुविधा लिन सक्ने सहयोगी साकोसले जनाएको छ । कर्जाका लागि निवेदन दिएको ३ दिनभित्रै योग्यता पुगेका सदस्यहरुले रकम प्राप्त गर्न सक्ने भन्दै चाँडै सहयोगी साकोसको कुनै पनि कार्यालयमा सम्पर्क गर्न अनुरोध गरेको छ । पुँजी अभावमा अब व्यवसायलाई संकुचनमा राख्नुनपर्ने बरु सहज कर्जा सुविधा लिई फैलाउन सकिने भन्दै सदस्यहरुलाई यो सेवा उपयोग गर्न संस्थाले आग्रह गरेको हो ।
