Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । सार्वजनिक यातायात बचाउ केन्द्रीय संघर्ष समितिले विभिन्न माग राखेर आजदेखि शुरु गरेको देशभर अनिश्चितकालीन यातायात बन्दले जनजीवन प्रभावित बनेको छ । यातायात व्यवसायीहरूको आह्वानमा सोमबार बिहानैदेखि काठमाडौं उपत्यकाका सडकमा सार्वजनिक यातायातका साधनहरू निक्कै कम गुडेका छन् । सार्वजनिक यातायात नचल्दा सर्वसाधारणहरूले स्वाभाविक रुपमा समस्या खेप्नुपरेको छ । सोही कारण हिडेरै गन्तव्य सम्म पुग्नेहरुको दृश्य सडकमा देखिन्छ ।
सोमबारदेखि देशभर अनिश्चितकालीन यातायात बन्दको घोषणा गरेको छ ।
समितिले आज सोमबारदेखि देशभरका सार्वजनिक यातायात ग्यारेजमा थन्क्याएर आन्दोलनमा उत्रिने निर्णय गरेका कारण समस्या उत्पन्न भएको हो । समितिद्वारा जारी विज्ञप्तिमा गण्डकी प्रदेश सरकारले ‘राइड सेयरिङ’को नाममा निजी प्रयोजनका लागि खरिद गरिएका सवारी साधनलाई भाडाका सवारी साधन सरह प्रयोग गर्न दिने गरी ल्याएको नियमावली खारेजीको माग गरिएको छ ।
यसबारे सम्बन्धित निकायलाई ध्यानाकर्षण पत्र बुझाइ यथाशीघ्र समस्या समाधान गर्न अनुरोध गर्दा पनि सुनुवाइ नभएपछि सोमबारदेखि सवारी साधन घर तथा ग्यारेजमा थन्क्याएर आन्दोलनमा उत्रिने निर्णय गरिएको समितिले जनाएको छ ।
