Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं। भूमि व्यवस्था, सहकारी तथा गरिबी निवारण मन्त्री बलराम अधिकारीले राष्ट्रिय सहकारी नियमन प्राधिकरणका नवनियुक्त अध्यक्ष डा. खगराज शर्मालाई यस क्षेत्रमा व्याप्त बेथिति सुधार्ने गरी काम गर्न निर्देशन दिनुभएको छ । प्राधिकरणका नवनियुक्त अध्यक्ष शर्मालाई शपथ ग्रहण गराउँदै मन्त्री अधिकारीले सहकारीका बेथिति सुधार्न निर्देशन दिनुभएको हो ।
सहकारी अभियानको माग बमोजिम दोस्रो तहको नियामक निकायका रुपमा गठित प्राधिकरणमार्फत यस क्षेत्रमा समस्याहरू समाधान हुने समेत मन्त्री अधिकारीले विश्वास व्यक्त गर्नुभयो । मन्त्री अधिकारीले तीन तहकै सहकारीको नियमन, निर्देशन र निगरानी गर्ने काम प्राधिकरणको कार्यक्षेत्रभित्र रहेको उल्लेख गर्दै समस्याग्रस्त सहकारीहरूको बचत फिर्तालाई पहिलो प्राथमिकतामा राखेर काम गर्न सुझाउनुभयो ।
कर्जा असुली न्यायाधिकरण, नियमन प्राधिकरणलगायतका हाल गठन भएका यस्ता संरचनाले सहकारीको मर्म र लक्षित उद्देश्यअनुसार काम गर्नुपर्ने मन्त्री अधिकारीको भनाई थियो । यसैबीच, प्राधिकरणका नवनियुक्त अध्यक्ष डा. शर्माले आजैबाट कार्यभार सुरु गर्नुभएको छ ।
