Jul 31 2026 | २०८३, साउन १५ गते
Follow us
२०८३, साउन १५ गते
Jul 31 2026 | २०८३, साउन १५ गते
काठमाडौं। प्रधानमन्त्री सुशीला कार्कीले पशुपति क्षेत्र विकास कोषलाई राजनीतिक भर्ती केन्द्र बनाउन नहुने बताउनुभएको छ । सिंहदरवारस्थित प्रधानमन्त्री तथा मन्त्रिपरिषद्को कार्यालयमा आज बसेको कोषको सञ्चालक परिषद् बैठकमा बोल्दै उनले धार्मिक संस्थामा धार्मिक व्यक्ति नै आवश्यक पर्ने बताइन् । सोही भएर कोषमा राजनीतिक कार्यकर्ता भर्ती गर्न नहुने उनको स्पष्ट धारणा रहेको थियो ।
पर्यटन मन्त्री समेत रहेकी प्रधानमन्त्री कार्कीले बैठकको अध्यक्षता गरेकी हुन् । उनले भनिन्, ‘धार्मिक संस्थाका आफ्नै नियम र मूल्यहरू हुन्छन्। परम्परागत मान्यता र रीतिथितिहरू हुन्छन्। ती हाम्रा मौलिक संस्कृति हुन्। यी मूल्य मान्यताको जगेर्ना गर्नुपर्छ। संसारभरिका हिन्दुको आस्था जोडिएको ठाउँ हो पशुपतिनाथ। यस्तो संस्थामा पनि आफ्ना पार्टीका कार्यकर्ता भर्ती गर्नु र राजनीतिको छायाँमा राख्न खोज्नु गलत हो। पशुपतिमा राजनीतिको छाया पर्न दिनुहुँदैन। दलीय कार्यकर्ताको भर्तीकेन्द्र बनाउनु हुँदैन। यहाँ काम गर्ने मान्छे धार्मिक नै हुनुपर्छ। धार्मिक संस्थामा बसेर राजनीतिको आस्था बढाउनुपर्दैन। यहाँ धार्मिक आस्था बढाउने कार्य नै गर्नुपर्छ।’
कोषको सम्पूर्ण काम कारवाहीको सञ्चालन तथा रेखदेख गर्नका लागि संस्कृति, पर्यटन तथा नागरिक उड्डयन मन्त्रीको अध्यक्षतामा पशुपति क्षेत्र विकास कोष सञ्चालक परिषद् रहने कानुनी व्यवस्था छ।
