Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
मलाई पुलुक्क हेरेर प्रिय झै व्यहोरा नगर,
तिमि कुनैको सिउदोको सिन्दुर हौ
अनि म त
कसैको सिन्दुर पोते सजाउने पराई मान्छे हुँ ।मलाई कोरिएका शब्द झै नकोर बरु म
लहरै पंक्तिमा बसिदिन सक्छु ।
मलाई उदाउँदो सुर्य अनि गुलाफको फुल
सँग नदाज म बरु तिम्रै छेउछाउमा काँडा भै दिन सक्छु ।।आँखाको भाषाले झुटो सपना सिंगारेर
मेरो छाया संग भविष्यको भावना नकोर
बरु तिमि कलकलाउदो खोला बनेर आउनु
खोला संगैको बालुवामा म रहने छु अनि बरु वगर भएर साथ दिन सक्छु ।।बरु तिमि बतास भै सुटुक्क आउ
म त्यहि बतासमा सुस्तरी हल्लि रहने पात बनि रहन सक्छु ।
तिमि बरु उदाउँदो जुन बनेर आउ
म त्यही जुनको छाया बनेर साथ दिन सक्छु ।।
(गजलकार सहकारीकर्मी पनि हुनुहुन्छ ।)
