Oct 30 2026 | २०८३, कात्तिक १३ गते
Follow us
२०८३, कात्तिक १३ गते
Oct 30 2026 | २०८३, कात्तिक १३ गते
काठमाडौं । घटस्थनापनादेखि काठमाडौं उपत्यकाका ६ स्थानमा ग्यास बिक्री गरिने भएको छ।
ग्यासको आपूर्ति सहज बनाउन असोज २५ देखि ३१ गतेसम्म ६ स्थानबाट ग्यास बिक्री गर्न लागिएको नेपाल एलपी ग्यास उद्योग संघले जनाएको छ। शुक्रबार संघका अध्यक्ष दिवान चन्दले प्रेस विज्ञप्ति मार्फत नेपाल आयल निगगको समन्वय र ग्यास बिक्रेता महासंघको सहाकार्यमा बिक्री गर्न लागिएको जनाउनुभएको हो ।
काठमाडौंको सिफलचौरस्थित ग्यास एन्ड अक्सिजन ट्रेडर्सबाट एभरेस्ट र सुगम, पेप्सीकोलाबाट सगर तथा बालाजु औद्योगिक क्षेत्रको गेट अगाडि नेपाल, एचपी, गीता, राजधानी र त्रिवेणी ग्यास बिक्री गरिने भएको छ।
त्यस्तै, सुकेधाराबाट बाबा र श्री ग्यास, कलंकीबाट साइबाबा र श्रीकृष्ण तथा ललितपुरको हरिसिद्धिबाट श्रीराम ग्यास बिक्री गरिने संघले जनाएको छ।
यी ६ वटै स्थानबाट बिहान साढे ९ बजेदेखि अपराह्न साढे ४ बजेसम्म ग्यास बिक्री हुने जनाइएको छ। यी स्थानमा ग्यासको सिलिन्डर पनि साटफेर हुने अध्यक्ष चन्दले बताउनुभयो ।
