Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । चलचित्र विकास बोर्डले चालु आर्थिक वर्षमा ९३ प्रतिशत बेरुजु फर्छ्योट गरेको छ ।
तालुकदार निकाय संचार तथा सूचना प्रविधि मन्त्रालयमा आइताबर बुझाएको वार्षिक प्रगति विवरणमा बोर्डले ९३ प्रतिशत बेरुजु फर्छ्योट गरेको उल्लेख गरेको छ । यो तथ्यांकले बोर्डले विगतमा देखिएको बेरुजु रकम व्यवस्थापन तथा पारदर्शितामा उल्लेखनीय सुधार गर्दै आर्थिक अनुशासनमा जोड दिएको देखिएको छ ।
बोर्ड अध्यक्ष दिनेश डीसीले सामाजिक सञ्जालमा लेख्नुभएको छ, “बक्स अफिस सिनेपाः” र “अनलाइन सेवा” प्रवाह सञ्चालन गरी बोर्डले सुशासन ,पारदर्शिता र परिणाममुखी कार्यशैलीलाई प्राथमिकतामा राख्दै अगाडि बढ्नेछ ।
बोर्डले सुशासन, पारदर्शिता र परिणाममुखी कार्यशैलीलाई प्राथमिकतामा राख्दै आएको अध्यक्ष डीसीले बताउनुभएको छ । अघिल्ला आर्थिक वर्षको बेरुजु फर्छ्योट ५० प्रतिशतभन्दा तल हुने गरेपनि यसपटक भने दोब्बर अंकमा सुधार आएको जनाएको छ ।
