Nov 21 2026 | २०८३, मंसिर ५ गते

Nov 21 2026 | २०८३, मंसिर ५ गते

Follow us

चाडपर्वमा सहजताका लागि आजदेखि सार्वजनिक सवारी साधनमा ‘रुट परमिट’ खुला

चाडपर्वमा सहजताका लागि आजदेखि सार्वजनिक सवारी साधनमा ‘रुट परमिट’ खुला

काठमाडौं । बडा दसैँ शुरु भएसँगै आजदेखि यात्रुवाहक सार्वजनिक सवारी साधनमा रूट परमिट (अनुमति) खुला गरिएको छ। देशभरको सार्वजनिक यातायातलाई चाडपर्वको बेलामा सहज ढङ्गले सञ्चालन गर्नका लागि आजदेखि देशभर रूट परमिट खुला गरिएको नेपाल यातायात व्यवसायी राष्ट्रिय महासङ्घले जनाएको छ ।

रूट परमिट खुला गरेसँगै अब रूट नलिइन सार्वजनिक यातायात गन्तव्यस्थलसम्म जान पाउनेछन्। कुनै बाटोको विशेष प्रकृतिका कारण सो बाटोमा चल्न निषेध गरिएका आकार प्रकारका सार्वजनिक सवारी साधनलाई भने सो बन्देज कायमै राखिने भएको छ।

रूट परमिट खुला आगामी असोज २२ गतेसम्म कायम रहने अध्यक्ष स्वाँरले बताए। सार्वजनिक सवारी साधनमा यात्रा गर्दा यात्रुले अनिवार्य रूपमा टिकट लिनुपर्ने महासंघले जनाएको छ। यातायात आवागमन सहज बनाउन खाद्यान्न लगायतका अत्यावश्यक वस्तुको ढुवानी गर्ने बाहेकका ट्रेलरलगायतका ठूला सवारीसाधन आजदेखि पूर्णिमासम्म नारायणघाटदेखि काठमाडौँसम्म सञ्चालन गर्न रोक लगाउने निर्णय यसअघि नै सरकारले गरिसकेको छ।

प्रतिक्रिया दिनुहोस

सम्बन्धित समाचार