Nov 21 2026 | २०८३, मंसिर ५ गते

Nov 21 2026 | २०८३, मंसिर ५ गते

Follow us

जानकी मन्दिरसँग जोडिएका सबै संरचनाको पुनर्निर्माण गरिने

जानकी मन्दिरसँग जोडिएका सबै संरचनाको पुनर्निर्माण गरिने

काठमाडौं । पूर्वाधार विकासमन्त्री सुनिल लम्सालले जनकपुरधामलाई सुन्दर र व्यवस्थित शहरका रूपमा विकास गर्न अभियान शुरु भइसकेको बताउनुभएको छ । जनकपुरधाममा आयोजित कार्यक्रममा बोल्दै उनले जानकी मातासँग सम्बन्धित सबै संरचनाको पुनर्निर्माण र व्यवस्थापन गरिने बताउनुभयो ।

यसका लागि बजेटमा कुनै कन्जुसी नगरिएको उल्लेख गर्दै उनले जनकपुरधामको विकासका लागि पर्याप्त बजेट विनियोजन गरिएको बताउनुभयो । उनले चालु आर्थिक वर्षको बजेटमा जनकपुरधामको सहरलाई सुन्दर र व्यवस्थित बनाउने योजनालाई प्राथमिकता दिइएको बताउनुभयो । आगामी चैत–वैशाखसम्म जनकपुरधाममा उल्लेखनीय परिवर्तन देखिने उहाँले दाबी गर्नुभयो । मन्त्री लम्सालले जनकपुरधामको विकासका लागि आवश्यक पूर्वाधारमा क्रमशः लगानी बढाउँदै लगिने पनि बताउनुभयो । 

विवाहपञ्चमी महोत्सवलाई प्रवर्द्धन गर्न र उत्सवको रौनक बढाउन बजेट छुट्याउने विषयमा पनि छलफल भइरहेको उनले जानकारी दिए । पर्यटन बोर्डमार्फत आवश्यक बजेट व्यवस्थापन गर्न सकिने उल्लेख गर्दै उनले सम्बन्धित निकायलाई आवश्यक योजना र लागत विवरणसहित प्रस्ताव तयार पार्न आग्रह गर्नुभयो । मन्त्री लम्सालले प्राविधिकहरूसँग छलफल गरेर बजेट तथा कार्यक्रमको योजना बनाउन र विवाह पञ्चमी भव्य रूपमा सम्पन्न गर्न आफूले सहयोग गर्ने प्रतिबद्धता व्यक्त गर्नुभयो ।

 

प्रतिक्रिया दिनुहोस

सम्बन्धित समाचार