Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं। प्रधानमन्त्री बालेन्द्र शाहले सरकारी कोषबाट सहकारी पीडितहरुलाई रकम वितरण नगरिरहेको स्पष्ट पार्नुभएको छ । प्रतिनिधिसभामा श्रम संस्कृति पार्टीका सांसद आर्यन राईको प्रश्नको जवाफ दिँदै प्रधानमन्त्री शाहले समस्यामा रहेका सहकारीहरूको रकम सरकारले जम्मा गरेर कोष खडा गरेको र त्यही कोषबाट रकम अहिले पीडितहरूलाई वितरण गर्ने प्रक्रिया सुरु गरेको जानकारी गराउनुभयो । प्रधानमन्त्री शाले सहकारीहरूबाट ३ करोड पैसा सरकारले ल्याएर कोष बनाएको र अहिले ६० लाख बढी मात्रै पीडितलाई वितरण गरेको बताउनुभयो । यस बिषयमा सम्बन्धित मन्त्रालयले काम अघि बढाइरहेको प्रधानमन्त्रीले बताउनुभयो ।
यद्यपि, जीबी राई लगायत सहकारी रकम अपचलनमा परेर फरार रहेकाहरु कहिले पक्राउ पर्छन भन्ने श्रम संस्कृति पार्टीका सांसद राईको प्रश्नमा भने प्रधानमन्त्रीले उत्तर दिनुभएन् । प्रधानमन्त्रीले टिपोट नगरेका कारण सबै सांसदहरुले राखेको प्रश्नहरुको जवाफ दिनुभएन । कतिपय प्रश्नहरुका सम्बन्धमा प्रधानमन्त्रीको स्मरणमा नभएका कारण जवाफ छुटेका थिए ।
