Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । राष्ट्रिय स्वतन्त्र पार्टी (रास्वपा) ले आज काठमाडौंको कागेश्वरी मनोहरा नगरपालिकाको थलीमा हस्ताक्षर अभियान सञ्चालन गरेको छ । रास्वपाले कागेश्वरी मनोहरा नगरपालिका अगाडि ऐक्यबद्धता डेस्क सञ्चालन गरेको छ । बिहान ७ बजेबाट शुरु भएको अभियान बेलुकी ५ बजेसम्म सञ्चालन हुने भन्दै रास्वापाले हस्ताक्षर अभियानमा साथ दिन स्थानीयबासीहरुलाई माइकिङ गर्दै आग्रह गरेको छ । कागेश्वरी मनोहरा नगरपालिकाका ९ वटै वडामा र्याली र हस्ताक्षर अभियान सञ्चालन गरिने जानकारी गराइएको थियो । रास्वपाले काठमाडौंसँगै विभिन्न जिल्लाहरुमा पनि हस्ताक्षर अभियानका लागि ‘ऐक्यबद्धता डेस्क’ सञ्चालन गर्दै आएको छ।
रास्वपाले सभापति लामिछानेमाथि सरकारले राजनीतिक प्रतिशोध साँधेको भन्दै सोको विरोधमा जनताको हस्ताक्षर अभियान सुरु गरेको हो । सहकारी ठगी प्रकरणमा जेलमा रहेका रविको समर्थनका लागि उनीहरूले हस्ताक्षर अभियान चलाएका हुन्। आज पनि काठमाडौं लगायत मुलुकका विभिन्न ठाउँमा ऐक्यबद्धता डेस्क सञ्चालनमा ल्याइएको रास्वपाले जानकारी दिएको छ।
