Jul 31 2026 | २०८३, साउन १५ गते
Follow us
२०८३, साउन १५ गते
Jul 31 2026 | २०८३, साउन १५ गते
काठमाडौँ । नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले राजनीतिलाई सङ्लो नपारेसम्म अन्य क्षेत्र सुधार गर्न नसकिने बताउनुभएको छ । चन्द्रलोक प्रतिष्ठानले शनिबार काठमाडौँमा आयोजना गरेको कार्यक्रममा उहाँले अहिले मुलुकको राजनीति विकृत भइसकेको बताउँदै राजनीतिलाई सङ्लो नपारेसम्म अन्य क्षेत्रमा सुधार गर्न नसकिने उल्लेख गर्नुभयो ।
पूर्वप्रधानमन्त्री समेत रहेका डा. भट्टराईले फोहर भइसकेको राजनीतिलाई सङ्लो पार्ने प्रयासमा लागिपरेको पनि बताउनुभयो । भट्टराईले राजनीति सुधार भएपछि ऐन कानून र संविधानमा सुधार गर्न सकिने जिकिर गर्नुभयो । एक अर्को प्रसङ्गमा उहाँले शिक्षा क्षेत्रबाट निजी क्षेत्रलाई अलग्गाउन नसकिने उल्लेख गर्दै उनले निजी क्षेत्रसँग मिलेर शिक्षा क्षेत्रको सुधार गर्नुपर्नेमा विशेष जोड दिुभयो ।
