Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । मनसुन प्रतिकार्य कमान्ड पोस्ट बैठकले राष्ट्रिय विपद् जोखिम न्यूनीकरण तथा व्यवस्थापन प्राधिकरणको शनिबारको निर्देशनअनुसार लामो दूरी र काठमाडौं भित्रिने तथा बाहिरिने सवारीसाधन सञ्चालनमा लगाइएको रोक खुकुलो पार्ने निर्णय गरेको छ।
यसका लागि अवरुद्ध सडकहरुको मर्मतसम्भार गरी तत्काल सडक सुचारु गर्न सडक विभागलाई लेखिपठाउने निर्णय गरिएको छ । त्यसैगरी अत्यावश्यक सेवा राजमार्गमा रोकिएका मालवाहक र यात्रुवाहक सवारीसाधन तथा छोटोदूरीमा सञ्चालन हुने सवारीसाधनहरुको हकमा स्थानीयस्तरको विपद् जोखिमको अवस्थालाई दृष्टिगत गरी अन्तर्जिल्ला समन्वयनमा आवागमन सुचारु गर्न स्थानीय प्रशासनलाई निर्देशन दिने निर्णय भएको छ।
त्यसैगरी अर्को सूचना जारी नहुन्जेलसम्मका लागि जोखिमयुक्त राजमार्ग र सडकमा रात्रिकालीन बस सेवा सञ्चालन नगर्न नगराउन स्थानीय प्रशासनलाई निर्देशन दिने समेत निर्णय भएको छ।
