Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । सहकारी अभियन्ता दीपकप्रकाश बास्कोटा संवैधानिक राजसंस्था र सनातन हिन्दुराष्ट्रको पक्षमा उभिनुभएको छ । नेपाली कांग्रेसका नेता शंकर भण्डारी नेतृत्वको सनातन हिन्दुराष्ट्र स्थापना महाअभियानसँग जोडिएर बास्कोटाले आफूलाई संवैधानिक राजसंस्था र सनातन हिन्दुराष्ट्रको पक्षमा खुल्नुभएको हो ।
महाअभियानले आज शुक्रबार आयोजना गरेको प्रेस सम्मेलनमा राष्ट्रिय सहकारी महासंघका संस्थापक अध्यक्ष बास्कोटा सहभागी भई ऐक्यबद्धता जारी गर्नुभएको हो । उक्त महाभियानले राजनीतिक ‘रोडम्याप करेक्सन’ गर्न र देशमा संवैधानिक राजसंस्था तथा वैदिक सनातन हिन्दुराष्ट्र पुनःस्थापनाका लागि पार्टीलाई आह्वान गरेको हो। नेपाल महर्षि वैदिक फाउन्डेशनका अध्यक्ष बास्कोटाका गतिविधि त्यही दिशामा परिलक्षित हुँदै आएका छन् । पूर्व गृह राज्यमन्त्री एवम् उद्यमी रहनुभएका उहाँ वैदिक ज्ञान प्रवर्धक पनि हुनुहुन्छ । राष्ट्रिय सहकारी विकास बोर्ड र राष्ट्रिय सहकारी संघका संस्थापक अध्यक्ष थापा विगतमा सहकारी ऐन २०४८ निर्माणमा पनि सक्रिय हुनुहुन्थ्यो ।
यसैबीच, बास्कोटा सहभागी महाभियानले आज जारी गरेको प्रेस वक्तव्यमा कांग्रेसको वर्तमान नेतृत्वको अकर्मण्यता, १२ बुँदे समझदारी यताको सत्ताकेन्द्रित सम्झौताको राजनीति र मौलिक सिद्धान्तविपरीतका कार्यका कारण पार्टी इतिहासकै कठिन मोड र विभाजनको डिलमा पुगेको दाबी गरिएको छ ।
महाभियानमार्फत राष्ट्रिय स्वाधीनता र स्थायित्वका लागि सम्पूर्ण राजनीतिक दलहरूलाई दलीय स्वार्थभन्दा माथि उठेर ‘राष्ट्र बचाऔँ, धर्म जोगाऔँ’ भन्ने सङ्कल्पका साथ संवैधानिक राजसंस्था पुनःस्थापनाका लागि एकजुट हुन आह्वान गरिएको छ।
