Aug 01 2026 | २०८३, साउन १६ गते
Follow us
२०८३, साउन १६ गते
Aug 01 2026 | २०८३, साउन १६ गते
काठमाडौं । जेनजी आन्दोलनका शहीदहरुको सम्झनामा पशुपति क्षेत्र विकास कोषले दीप प्रज्वलन गर्ने भएको छ । कोषले सूचना जारी गरी गत भदौ २३ र २४ गतेको जेनजी आन्दोलनका क्रममा नेपाल सरकारबाट शहीद घोषणा गरिएकाहरुको सम्झनामा कोषले बाला चतुर्दशीको अवसर पारेर भोलि अर्थात् मंसिर २ गते राती दीप प्रज्जवल गरिने भन्दै शहीद परिवारलाई सम्पर्क गर्न सूचित गरेको छ ।
यसैबीच, काठमाडौं जिल्ला प्रशासन कार्यालयले मंसिर १ गतेदेखि ३ गतेसम्म पशुपति र आसपासका क्षेत्रमा मदिरा र मदिराजन्य पदार्थ बेच्न निषेध गरेको छ।
काठमाडौँ प्रशासनले बुधबार सूचना जारी गर्दै बालाचतुदर्शीका कारण मंसिर १ गतेदेखि ३ गतेसम्म पशुपति र आसपासका क्षेत्रमा मदिरा र मदिराजन्य पदार्थ बेच्न रोक लगाएको हो। यो वर्ष पर्सि बुधबार बालाचतुदर्शी परेको छ । बालाचतुर्दशी अर्थात् मंसिर कृष्ण चर्तुदशीका दिन मृत्यूवरण गरेका पितृहरुको मोक्ष यात्राका लागि महत्वपूर्ण दिन मानिन्छ।
उक्त दिन विभिन्न शक्तिपीठ र त्रिवेणी धामहरुमा शतवीज छर्ने तिर्थालुहरुको घुईँचो लाग्दछ ।
