Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । चालू आर्थिक वर्षको फागुन मसान्तसम्मको पुँजीगत खर्च निक्कै कमजोर देखिएको छ । महालेखा नियन्त्रक कार्यालयका अनुसार दोस्रो चौमासिक अवधिसम्ममा जम्मा १९.२४ प्रतिशत मात्र पुँजीगत खर्च भएको छ ।
सङ्घीय सरकारको कुल १९ खर्ब ६४ अर्ब ११ करोड रुपैयाँको बजेटमध्ये फागुन मसान्तसम्म ९ खर्ब २६ अर्ब ५८ करोड रुपैयाँ अर्थात् ४७।१८ प्रतिशत खर्च भएको छ । चालू शीर्षकमा ५४.३७ प्रतिशत र वित्तीय व्यवस्था शीर्षकमा ५४.८९ प्रतिशत खर्च भएको छ ।
यस्तै राजस्वतर्फ वार्षिक लक्ष्यको ४९.८९ प्रतिशत अर्थात् ७ खर्ब ६५ अर्ब १० करोड रुपैयाँ सङ्कलन भएको छ । कर राजस्वमा ५१.४ प्रतिशत र गैरकर राजस्वमा ४५.७८ प्रतिशत असुली भएको छ । वैदेशिक अनुदान भने वार्षिक लक्ष्यको २४.७८ प्रतिशत मात्र प्राप्त भएको कार्यालयले जनाएको छ ।
