Sep 20 2026 | २०८३, असोज ४ गते
Follow us
२०८३, असोज ४ गते
Sep 20 2026 | २०८३, असोज ४ गते
काठमाडौं । कञ्चनपुरको महेन्द्रनगरस्थित राष्ट्रिय बचत तथा ऋण सहकारी संस्थाले प्रधानमन्त्री दैवी प्रकोप उद्धार कोषमा ११ हजार १११ रुपैंयाँ सहयोग गरेको छ । संस्थाले बाढी प्रभावित क्षेत्रका बासिन्दाहरुको राहत र पुर्नस्थापनामा ऐक्यबद्धता जनाई बिपदमा संगैं छौं भन्ने अनुभुतिका लागि उद्धार कोषमा उक्त रकम जम्मा गर्ने प्रतिबद्धता जनाएको छ ।
लामो समय देखि कारोबार बन्द भएको र २०८३ जेठ २१ गतेबाट पुनः शुन्य बाट कारोबार शुरु गरेको हुनाले संस्थाले क्षमता अनुसार प्रभावित नागरिकहरुको तत्कालको आवश्यकता र कठिनाइलाई मध्यनजर गर्दै सहकारी संस्था समुदायको सुख दुःखको साथीको हो भन्ने मान्यताले पुर्नस्थापनामा ऐक्यबद्धता जनाउन सहयोग गरेको संस्थाकी सचिव लिलाकुमारी अवस्थीद्धारा जारी विज्ञप्तीमा जनाइएको छ।
बिनासकारी बाढीले रसुवा, नुवाकोट, धादिङ्ग, गोर्खा, चितवन लगायतका जिल्लाहरुमा भएको ठुलो धनजनको क्षतिप्रति संस्था परिवार गहिरो दुःख व्यक्त गर्दै यस प्राकृतिक बिपदमा परि ज्यान गुमाउने मृतकहरुप्रति भावपुर्ण श्रद्धाञ्जली अर्पण गर्दै शोक सन्तप्त परिवारजनमा हार्दिक समवेदना व्यक्त गरेको छ । साथै संस्थाले घाइतेहरुको शिघ्र स्वास्थ्य लाभको कामना गर्दै बेपत्ता ब्यक्तिहरुको खोज तथा उद्धार कार्यमा जुट्न हामी सबैमा हार्दिक अपिल गरेको छ ।
