Sep 20 2026 | २०८३, असोज ४ गते
Follow us
२०८३, असोज ४ गते
Sep 20 2026 | २०८३, असोज ४ गते
काठमाडौं । काभ्रेको पनौती-६ मुख्य कार्यालय रहेको ज्योति मिर्मिरे सामुहिक बचत तथा ऋण सहकारी संस्था लि. ले रसुवाको भोटेकोशी नदीमा आएको भीषण बाढीबाट रसुवा, नुवाकोट र धादिङमा भएको जनधनको क्षतिबाट मर्माहत भएको भन्दै यस्तो संकटको अवस्थामा राहत तथा पुनःस्थापनामा सहयोगी हात अघि बढाएको छ ।
विगत २७ वर्षदेखि समुदायमा आधारित रही सहकारी मूल्य, मान्यता र सिद्धान्तमा सञ्चालित ज्योति मिर्मिरे सामुहिक साकोसले आफ्नो सामाजिक उत्तरदायित्वअन्तर्गत प्रधानमन्त्री दैवी प्रकोप उद्धार कोषमा १ लाख १ हजार १ सय ११ रुपैयाँ सहयोग गरेको जनाएको छ । सहकारीको मर्म, संकटमा सहकार्य नै हाम्रो धर्म भन्दै ज्योति मिर्मिरे साकोसले उद्धार, राहत तथा पुनर्स्थापनामा थोरै भएपनि सहयोग पुगोस् भनी राष्ट्रिय संकट समाधानमा हातेमालो गरेको जनाएको छ ।
विपत्तिको समयमा पीडित परिवारलाई राहत, उद्धार तथा पुनःस्थापनामा सहयोग पुर्याउने उद्देश्यले उक्त रकम प्रदान गरिएको संस्थाले जनाएको छ । विपत्तिमा परेका नागरिकको पीडा सबैको साझा दुःख भएकाले कठिन समयमा एकअर्कालाई सहयोग गर्नु मानवताको महत्वपूर्ण दायित्व भएको ज्योति मिर्मिरे सामुहिक साकोसले जनाएको छ ।
संस्थाले बाढीबाट ज्यान गुमाउने सबैप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना व्यक्त गरेको छ। साथै, बेपत्ता भएकाहरूको शीघ्र खोजी तथा घाइतेहरूको शीघ्र स्वास्थ्यलाभको कामना गरेको छ।
यसैगरी, ज्योति मिर्मिरे सामुहिक साकोसले यस दुःखद् र कठिन घडीमा आफ्नो क्षमता र सामर्थ्यअनुसार राहत कोषमा सहयोग गर्न सबैमा हार्दिक अनुरोध समेत गरेको छ ।
