Jul 31 2026 | २०८३, साउन १५ गते
Follow us
२०८३, साउन १५ गते
Jul 31 2026 | २०८३, साउन १५ गते
काठमाडौं । प्रत्येक वर्ष भाद्र शुक्ल अष्टमीका दिन मनाइने कागे अष्टमी पर्व आज धूमधामपूर्वक मनाइएको छ । आज काठमाडौंको कागेश्वरी मनोहरा नगरपालिकास्थित वडा नं १ मा पर्ने कागेश्वरी महादेव मन्दिरमा बिहानैदेखि मेला लागेको थियो । साँझ सम्म पनि भक्तजनहरुले दर्शन गरेको मेला आयोजक समितिले जनाएको छ । ऐतिहासिक, धार्मिक एवं पर्यटकीय दृष्टिले विशेष महत्व बोकेको कागेश्वरी धाममा भाद्र शुक्ल अष्टमीका दिन प्रत्येक बर्ष भब्य मेला लाग्ने प्रचनल अनुसार आज पनि मेला लागेको हो ।
मन्दिरमा आवतजावत सहजताका लागि यातायात सेवा सहज बनाउने व्यवस्था गरिएको थियो । नगरपालिकाले लाइन व्यवस्थापन, आकस्मिक अवस्थाको तयारी, सुरक्षा प्रबन्ध र सहजता लगायतका विषयमा आवश्यक प्रबन्ध मिलाएको थियो । पर्वको अवसरमा कागेश्वरी मनोहरा नगरपालिकाभर सार्वजनिक बिदा पनि दिइएको थियो ।
कागेश्वरी महादेव मन्दिरमा गई पूजा आराधना गरेमा कागको स्पर्शलगायत दोषबाट मुक्त भइने विश्वास छ । यसैले वर्ष दिनसम्म कागले स्पर्श गरेका वा अन्य काग दोष लागेका मानिसले आज कागेश्वरीको दर्शन गर्नैपर्ने मान्यता राख्छन् । यसै अवसरमा कागेश्वरीमा हरियो मकै चढाएमा कागले बारीमा लगाएको मकै नखाने धार्मिक विश्वाससमेत रहेको छ ।
श्रावण शुक्ल पूर्णिमा र गङ्गा दशहरा पर्वका अवसरमा रसुवाको प्रसिद्ध धार्मिकस्थल गोसाइँकुण्डमा पुगेका भक्तजनले त्यहाँबाट ल्याएको जल आज कागेश्वरी महादेव मन्दिरमा नचढाए धार्मिक यात्रा पूरा नहुने जनविश्वास रहेको छ ।
